出發了~！

　　還有15分鐘，我便要搭巴士往機場，然後坐卡塔爾航空00:45班機，直飛多哈（今年舉辦亞運的城市），之後再轉機往埃及開羅！！！聽說開羅現時有30度，都幾熱架！但到達埃及之後，我們會去阿斯旺，，阿斯旺的溫度，仲高達40度添呀！！我諗9日之後，我會變了一隻炭燒黑豬回來．．．希望大家還得我啦！嘻嘻！

　　呀！忘了講一件好重要的事，就係今次埃及之旅，我有一個重大責任，就係要照顧阿威，因為阿威日前去踢波時，竟然踢傷了隻右腳，現在成隻腳掌腫哂！好似隻紅燒豬蹄咁．．．行路重慢到不得了．．．都唔知佢去到埃及點行．．．我諗．．．我可能要揹佢！大鑊！！！

　　好了，是時候出發了！我5月12日才回港！要暫別各位一段時間啦！拜拜！:)