2006年-生日大事

剛剛過了生日半個月,今天才正正式式將照片放上網...大家有時間都不妨瀏覽瀏覽:
http://hello.to/vvchu

話時話,我生日當天去了迪士尼,由於是壽星女的關係,我當日獲發一個襟章,大大隻字寫上"happy birthday",所以去到邊,都有工作人員同我賀壽!雖然生日都無咩特別優惠,但能夠有咁多人同我講聲生日快樂,氣氛都唔錯架!!而且,d卡通人物見到我個生日襟章,都會對我特別熱情,真係好鬼開心架!!

呀,再講多件事大家知~
我生日當天,竟然收到紅十字會的電話,佢地原來打來叫我去捐血喎!!事緣因為我是A-血型...由於負型血比較罕有,而咁岩又有個病人等住輸A-血...所以,我就收到個咁樣的「生日電話」。可能對紅十字會來說,呢件係一件好普通的事,但對我呢個又怕打針又怕捐血的人來說...就絕對係一件「大事」,而且當天是我生日喎...無理由拒絕架嘛...呢D善事一定要做!!!

終於...兩日後, 我便抱著戰戰兢兢的心情踏進捐血站...在極度恐慌的情況下...面對著針筒的威嚇下...捐出450cc的熱血...